CLUB PARKE sortu da, Parkeko enpresa eta langileentzako ekimen berritzailea
Euskadiko Parke Teknologikoen Sareko zuzendari nagusi Itziar Epalzak, Club Parke-ko Javier Hurtado de Mendozak eta sukaldari prestigiotsu Aitor Elizegik aurkeztu dute ekimena
Parkeen Sareko Kooperazio eta Enpresei zuzendutako Zerbitzuetarako Sailak eskaintzen dituen balio erantsiko zerbitzuen artean dago Club Parke
Club Parke-a errealitate bat da jada. Hainbat hilabetetako lanaren ondoren, Bizkaiko Zientzia eta Teknologia Parkean dauden enpresetako langileei aurkeztu zaie ekimen berritzailea.
Besteak beste, aisia, osasuna, kirola, prestakuntza eta kulturarekin loturiko jarduerak antolatuko ditu klubak, baina lan-eremuari begira. Jarduera horiek aisialdiarekin erlazionatu ohi ditugun arren, herrialde askotan geroz eta joera handiagoa dago horrelako ekimenak antolatzeko. Estatu Batuetan, esaterako, “life-style campusses” deritze, inguru integratu eta harmonikoa eratu guran, halako elkarteak dituzten parke zientifikoei. Gainera, abantaila asko dakartzate bai enpresentzat bai langileentzat. Bere aurkezpenean, berba hauek erabili ditu Itziar Epalzak: “lanean gusturago egoteko aukera nabarmendu gura genuke. Dudarik gabe, gustura bagaude, gure jardunari etekin handiagoa atera ahalko diogu eta eraginkorragoak izango gara. Pertsonak zenbat eta gusturago egon, zenbat eta handiagoa izan euren motibazioa eta ilusioa, hainbat eta hobea izango da enpresaren arrakasta kolektiboari egin diezaioketen ekarpena”.
Bestalde, Club Parke-ko arduradun Javier Hurtado de Mendozak ekimenaren helburuak azaldu ditu: “Parkeko bizitza dinamizatzea, baita langileen eta enpresen arteko sinergiak zein harremanak hobetzea ere”. Gainera, nabarmendu duenez, “prestakuntza-, gastronomia- zein kirol-ekimenak antolatzen ditugu enpresentzat, haien instalazioetan bertan zein kanpoan”.
ELKARTEKO KIDE DIREN ENPRESENTZAKO ETA BERTAKO LANGILEENTZAKO ONURAK
Club Parke-ko kide diren enpresek askotariko onurak izango dituzte, hala nola haien erakundearen eraginkortasuna hobetzea, kide diren enpresen arteko sinergiak, erantzukizun sozial korporatiboa sustatzen jarraitzea eta lehiarako abantailak.
Bestalde, enpresetako langileek doako edo diruz lagundutako ekintzetan parte hartu ahalko dute; deskontu esklusiboak izango dituzte asia, kirol eta osasunarekin loturiko ekintzetan, haien osasun fisikoa eta psikikoa hobetuko da, etab.
Asko izango dira aurten egingo diren ekintzak, eta webgunean dituzue ikusgai: www.clubparke.net
