ERRONKA BAT PARKE ARENTZAT. Lan egiten duzun parkean HOBEKUNTZArik ezartzeko IDEIArik duzu?

Gipuzkoako Zientzia eta Teknologia Parkeak berrikuntza irekiko ekimen hau kaleratu du ondoz ondoko bostgarren urtean, Parkea eta bertan kokatutako enpresak hobetzen lagunduko duten ideiak antzemateko.

2016-RETO_definitivoCS3D euskera1.- ERRONKAREN ESPARRUA
Proposatutako ideiak parkearen eta bere enpresen arteko harremanaren edozein esparruri buruzkoak izan ahalko dira.
Parkea hobetzeko abian jarriko diren ekintza berri, zerbitzu edota proiektu berritzaileen ideiak ekartzean datza

2.- NORENTZAKO
Lehiaketa hau Gipuzkoako Zientzia eta Teknologia Parkean dauden enpresetan lan egiten duten eta Parkea hobetzeko helburua duten ideiak proposatu nahi dituzten langileentzako da.
Enpresa bakoitzetik parte hartu nahi duten erakunde barruko pertsonak adina ideia bidali ahal izango dira.

3.- SARIAK
Aurkeztutako ideia guztien artean bat aukeratuko da eta hori izango da irabazlea. Emango diren sariak hauek izango dira:
– IDEIA izan zuen PERTSONArentzat: IPhone XR bat
– Pertsona horren ENPRESArentzat: Jardunaldi batez parkeko eraikin nagusiko kongresu-guneak doan erabiltzeko aukera

Ideiari forma eman, zure ERRONKAk IRABAZI behar duela konbentzitzeko

4.- PROPOSAMEN DESKRIBAPENA
IDEIAren deskribapena eta aurkezpena xede horretarako prestatutako formularioen bidez egingo da:
– HARREMANETARAKO DATUAK formularioa: ideia proposatzen duen pertsonaren harremanetarako datuak
– IDEIA–ERRONKA formularioa: proposatutako ideiaren xehetasun nagusien deskribapena

BIDALI zure proposamena posta elektroniko bidez

5.- PROPOSAMENA BIDALTZEA
Ideiak formularioen bidez aurkeztuko dira eta reto.gipuzkoa@parke.eus helbide elektronikora bidali beharko dira. Gaian “ERRONKA bat PARKEArentzat” adierazi beharko dute.

6.- PROPOSAMENAK JASOTZEKO EPEA
Proposamenak jasotzeko epea hauxe izango da:
– 2018ko azaroaren 7an hasiko da
– 2018ko abenduaren 23an itxiko da
Epe horretatik kanpo bidaltzen diren proposamenak ez dira ebaluatuko.

PROPOSAMEN HOBERENA aukeratuko dugu

7.- EPAIMAHAIA
Epaimahaia 5 kidek osatuko dute:
– Parkeko 3 enpresetako 3 ordezkarik
– Parkearen entitate kudeatzailearen zuzendaritzako 3 kidek
Epaimahaiak hartutako erabakia apelaezina izango da. Lehiaketa irabazle gabe geratu daiteke.
ERRONKA bihurtzeko aukeratzen den proposamen irabazlea 2018ko abenduaren 11ean jakinaraziko zaie parte-hartzaileei.
Bi ideia berdinak eta kalitate berekoak balira eta berdin baloratuko balira, dokumentazioaren iritsiera-ordena hartuko da kontuan saria emateko.

8.- EBALUAZIO-IRIZPIDEAK
Aurkeztutako proposamenak (*) erreferentzia gisa irizpide hauek hartuz baloratuko dira:

  • Dagoen aurrekontuaren araberako inplementagarritasuna – Parkeak ideia gauzatzeko gehienez 15.000 euroko aurrekontua izango du.

Proposatutako erronkaren inpaktua:
▪ Gipuzkoako Parkean kokatutako entitateen negozioaren garapenean.
▪ Gipuzkoako Parkea osatzen duten entitateetako langileen garapen pertsonalean edo/eta ongizatean.
▪ Ideia aurrera eramatetik onura atera dezaketen enpresa- edo/eta pertsona-kopurua.
▪ Euskadiko Teknologia Parkeen sarea osatzen duten enpresen edo/eta pertsonen artean ideia aplikatzeko aukera edo/eta inpaktua.

Ideiaren originaltasuna

  • Gastu/eragin lotura onena

(*) Bi ideia berdinak eta kalitate berekoak balira eta berdin baloratuko balira, dokumentazioaren iritsiera-ordena hartuko da kontuan saria emateko.

Eta ERREALITATE bihurtuko dugu

9.- IDEIA GAUZATZEA
Gipuzkoako Zientzia eta Teknologia Parkeak irabazle suertatu den proposamena gauzatzeko konpromisoa hartzen du. Horretarako baldintzak hauek dira:

  • Aurrekontua: gehienez 15.000 euro
  • Epea: 2019. urtea

BALDINTZA OROKORRAK

Ekimen honetara aurkezteak dakar parte-hartzaileak eta bere enpresak oinarri hauek ezagutzen eta onartzen dituztela, baita antolatzaileek nahiz epaimahaiak aurreikusi gabeko gorabeherengatik hartzen duten ebazpen oro ere.
• Parte-hartzaileek aurkeztutako dokumentazio orok izaera konfidentziala izango du, baina Gipuzkoako Zientzia eta Teknologia Parkeak aurkeztu diren proposamenen ezaugarri orokorrak eta, bere garaian, proposamen irabazlea eta horren sustatzaileen izenak (pertsona eta enpresa) ezagutarazi ahal izango ditu.
• Aurkeztutako proposamenen egileek modu esklusiboan Gipuzkoako Zientzia eta Teknologia Parkeari lagatzen dizkiote lanaren ustiapen eskubideak inolako mugarik gabe, ustiapen modalitate guztiak barne hartuz.
• 2016/679 (EB) Araudiaren 13. artikuluak xedatutakoaren arabera, EPTSk honako informazio hau helarazi egiten du datu pertsonalen tratamenduari dagokionez. Araudi hori pertsona fisikoen babesari buruzkoa da, datu pertsonalen tratamenduari eta datu horien zirkulazio askeari dagokionez (aurrerantzean, DBEO).
Arduraduna: EPTS (www.parke.eus webgunean aurki ditzakezu harekin harremanetan jartzeko datuak).
Jakinarazpenak eta buletinak bidaltzeko erabiltzen dira datuok, baita EPTSk eskaintzen dituen ekintza zein zerbitzuen berri posta elektroniko bidez emateko ere.
Datuetan sartzeko, datuok zuzendu, kendu eta eramateko, haien tratamendua mugatzeko eta aurka egiteko eskubideak erabil ditzakezu. Horretarako, idatzi rgpd@parke.eus helbidera.
EPTSk zure datuak zelan tratatzen dituen eta dituzun eskubideak ezagutzeko, ikusi EPTSren webgunearen pribatutasun-gidalerroak (http://parke.eus/prueba-bizkaia/?page_id=188).