Euskadiko Parke Teknologikoak coworking berri bat ireki du Abanto Campusean, teknologian eta trantsizio energetikoan liderrak diren enpresak bultzatzeko eta konektatzeko

Euskadiko Parke Teknologikoak ateak irekitzen dizkio coworking-espazio berriari Abanto Campusean. Ingurune hori ekosistema berritzaile, kolaboratibo eta oso espezializatu batean hazi nahi duten enpresa teknologikoentzat diseinatuta dago

Hidrogeno berdeak bultzatutako munduko lehen Parke Teknologikoan kokatuta dago coworking hori, eta konpainia teknologikoentzako eta trantsizio energetikora eta berrikuntzara bideratutako gunetzat hartzen da.

Gainera, Bilbo Handiaren ezkerraldean dago, A8tik sarbide zuzena du, eta Bilboko aireportutik 20 minutu besterik ez ditu. Horri esker, joan-etorriak errazten dira, eta enpresen eta lurraldearen gainerakoen arteko konektibitatea hobetzen da.

Lan-eremu malgua baino gehiago, Euskadiko Parke Teknologikoaren coworkinga, Abanto Campusean, enpresen berrikuntzarako eta hazkunderako topagunea da. Instalatutako enpresak startup-ekin eta sektoreko konpainia liderrekin sinergiak sortzen laguntzen duen komunitate dinamiko batean integratu ahal izango dira. Gainera, Energy Intelligence Center-etik (EIC) gertu dagoenez, lehiakortasuna bultzatzeko eta energia-sektorea indartzeko diseinatutako azpiegitura espezializatuetara sartu ahal izango dira.

Coworkingak enpresen beharretara egokitutako ingurunea eskaintzen du: mahaigain propioak, bilera-gelak, dei pribatuetarako phoneboxak, segurtasuna 24/7 eta wifi konexio segurua eta doakoa. Era berean, espazio horretan lan egiten duten profesionalak eraikineko zerbitzu orokorretara sartu ahal izango dira, hala nola ekitaldietarako atondoa, jatetxea eta aparkaleku-partzelak alokatzeko aukera.

Abangoardiako azpiegituretatik, berrikuntza-ekosistema bakarretik eta sektoreko funtsezko eragileekiko konexio estrategikoetatik harago, Euskadiko Parke Teknologikoak zerbitzu bereizgarrien zorro bat jartzen du enpresen eta pertsonen eskura (https://parke.eus/eu/zerbitzuak/), networking-ekimenetan, talentua erakartzeko programetan eta enpresen arteko konexioa sustatzen duten jardueretan parte hartzeko aukera emanez, eta, horrela, negozioa hazten eta merkatuan kokatzen lagunduz.

Irekiera berri horrekin, Euskadiko Parke Teknologikoak berrikuntzarekin eta jasangarritasunarekin duen konpromisoa indartzen du, eta erreferente bihurtzen da trantsizio energetiko eta teknologikoan lan egiteko, konektatzeko eta aurrera egiteko ingurune bat bilatzen duten enpresentzat.

Abanto Campusaren coworkinga espazio malgu, dinamiko eta etorkizun teknologikoarekin konektatua bilatzen duten enpresa sortuei soilik zuzenduta dago.

Coworking-gune horretan nola parte hartu jakiteko, bisita ezazu Campus Abanto: coworking edo kontaktatu bizkaia@parke.eus helbidearekin.