Gaiker – IK4 iturri berriztagarrietatik eratorritako material plastikoak garatu ditu
Gaiker-IK4 zentro teknologikoak eko-konpositeak edo iturri natural berriztagarrietatik datozen lehengaietatik eratorritako material konpositeak garatu ditu. Garapen honek aurrerapauso handia dakar material konpositeen alorrean; funtsean, industria-sektore ezberdinetan aplikatzen bada, etorkizun hurbilean petroliotik eratorritako lehengaiekiko mendekotasunak sortzen dituen ziurgabetasunak desagertu daitezkeelako. Gaiker-IK4 zentroak egun martxan duen ikerketa-lerro horren ondorio gisa, Zamudioko zentro teknologikoak oso antzeko ezaugarriak dituzten -batzuetan hobeak- eta %100 naturalak diren eko-konpositeak garatzea lortu du.
