Ingemat VW eta SEAT enpresen lerroetarako giltza eskuan deritzen zazpi proiekturi ekin die
Ingemat talde bizkaitarrak hainbat frontetan lanean dihardu bere proiektu industriala indartze aldera. Volkswagen eta SEAT enpresentzako lanekin eskabide-zorroa sendotzea, ezagutzaren gizartera egokitzeko kudeaketa-eredua aldatzea eta negozioaren dibertsifikaziorako bi talde sortzea dira neurri estrategiko horietako batzuk. Zamudioko Teknologia Parkean kokatutako taldeak Volkswagenekin eta SEATekin hainbat proiektu integral ezarri ditu (matrizegintza eta muntaketa-lerroak) eta horiek, beste automozio-programekin batera, 2008ko salmentak 40 milioi eurotara igotzea eragingo dute. Hain zuzen ere, diru-kopuru hori trokelgintzaren eta automobilarentzako lerro-ingerianitzaren artean banatuko da.
