Juan José Colás, Lantekeko zuzendari komertzial berria
Apirilaren 4tik indarrean dagoen Lantek 2106-2018 Plan Estrategikoa aplikatzearen ondorioz, Lantekek Juan José Colás izendatu du Chief Commercial Officer (zuzendari komertziala)
Juan José Lantekeko Kontseiluko kidea izango da eta korporazioaren estrategia komertzialaren eta garapenaren arduraduna izango da mundu osoan.
Izaera bereziarekin, eta 2016-2018 Plan Estrategikoan duen garrantzia dela eta, bere zuzeneko erantzukizunaren mende egongo dira Erresuma Batuko eta Frantziako merkatuak. Horietan Lantekek hazteko plan oso sendoak ditu eta erronka handia biltzen dute.
Lanteken zuzendari nagusiak, Alberto Martínezek, honako hau aitortu du: “Juan Josék arrakastaz kudeatu ditu hainbat herrialdetan eragiketak azken urteotan. Orain, postu berri horri ekingo dio Lantek hazteko oso ondo kokatuta dagoen eta mundu osoko taldea merkatuak eskainiko dizkigun aukerak aprobetxatzeko eta metalgintzako industriarako software-irtenbideak hazten laguntzeko erabat prest dagoen unean”.
Juan Josék ingeniari industrialaren titulua lortu zuen Bilboko IGETen (EHU) eta merkatua ondo ezagutzen du; izan ere, makina-erremintaren mundu industrialetik (Fagor Arrasate) iritsi da; zuzendari komertzial gisa eta Txinan produkzioa ezartzeko proiektuetan egin izan du lan aurretik. Lan horien ondoren, automobilgintzarako osagaiak produzitzen dituen enpresa batean (Componentes y Conjuntos) eta kontsumoko ekipo elektronikoak garatzeko eta banatzeko talde batean (Wolder Taldea) zuzendari nagusia izan zen.
“Lantek merkatuan liderra da eta herrialde bakoitzean ditugun aukerak aprobetxatu behar ditugu gure merkatu-kuota handitzeko eta metalgintzaren industrian lehiakortasuna hobetu nahi duten bezero guztien artean gure Lantek Factory kontzeptua bultzatzeko. Lantek ari da ildo teknologikoa ezartzen eta, ikuspegi komertzialetik, 4.0 Industriaren bultzatzaileetako bat ari da izaten”, aipatu du Juan Josék izendapen berriaren ondoren.
