MugiBIKE XL: Vitoria-Gazteiz Campusa bizikleta elektrikoan etortzeak dohainik atera zaitzake

Vitoria-Gazteiz Campusara joateko aukera iraunkor eta osasungarriak bilatzen jarraitzen dugu.

Gasteiztik bidegorriz etor zaitezkete, eta asko zarete lanera pedalei eraginez iristera animatzen zareten pertsonak.

Ez dakizu garraiobide hau zuretzat den? Probatu ahal izateko, Gasteizko bizikleta elektrikoen udal ekimen berriarekin bat egin dugu: MugiBIKE XL.

Ekimen honek 3 hilabeterako bizikleta elektriko bat izateko aukera eskaintzen dizu, zure erabilera pertsonalerako eta mugitzeko modu osasungarri hori deskubritu ahal izateko.

Eta hilean gutxienez 8 joan-etorri egiten badituzu Gasteiz eta Parke artean, zerbitzuaren kostua diruz lagunduko dizugu.

Izena emateko bete formularioa ekainaren 1a baino lehen. Kupoa mugatua da.

Ez galdu parte hartzeko eta bizikleta elektrikoa doan izateko aukera.

Animatu! – IZEN EMATEAK

MugiBIKE XL Gasteizko bizikleta elektrikoen udal zerbitzuaren epe luzerako alokairu modalitatea da. Bizikleta bat norberarena balitz bezala erabiltzeko aukera ematen du, 29,90 €/ hileko kuotaren truke, eta etxera eraman eta han kargatu ahal izango du. Parkean ere kargatu ahal izango duzu.

Zer sartzen da modalitate honetan?

Erabilera pertsonala eta jarraitua: Bizikleta elektriko bat duzu eskura 3 hilabete arte.

Mantenu estalia: Eskariaren araberako konponketak eta mantentze-lanak barne hartzen ditu, bere aplikazio mugikorretik zuzenean kudeagarria.

Mugitzeko askatasuna: Eguneroko joan-etorri etengabeetarako aproposa da, zure bizikleta izateko eta behar duzun lekuan kargatzeko askatasun osoa eskaintzen baitizu.