Euskadiko parkeak erreferentzia-eredu izan dira Kolonbiako Parke Teknologikoen Nazioarteko III. Kongresuan

Ekainaren 7, 8 eta 9an egingo da Medellinen, Kolonbian, Parke Teknologikoen Nazioarteko Kongresua “Parke Zientifikoak, Teknologikoak eta Berrikuntza dira Iraultza Industrial Berriaren, 4.0 Industriaren, Sortzaileak”.

Hiru egunez, nazioarteko erakunde ugaritako eta parke teknologikoetako ordezkariak eta berrikuntzaren eta 4.0 industriaren arloko ordezkariak parke teknologikoen eta 4.0 industriaren etorkizunaren inguruko eztabaida egiteko bilduko dira.

Beste urte batez, Euskadiko teknologia-parkeek Parke Teknologikoen Nazioarteko Kongresuan hartuko dute parte. Aurtengoan, Kolonbiako Medellin hirian izango da.

“Parke Zientifikoak, Teknologikoak eta Berrikuntza dira Iraultza Industrial Berriaren, 4.0 Industriaren, Sortzaileak” izenburupean, nazioarteko erakundeetako, berrikuntzako, industriako eta teknologia-parkeetako ordezkariek hiru egunez eztabaidatuko dute parkeen etorkizunaren eta horietan 4.0 industriak duen garrantziaren inguruan.

Erreferentzia-eredua

Kongresu horretan, Euskadiko parkeek rol garrantzitsua beteko dute. “Parke teknologikoak Euskadiko garapen ekonomikoaren eta sozialaren katalizatzaile” izenburupean, Cristina Andrések, Bizkaiko Zientzia eta Teknologia Parkeko Berrikuntzako zuzendariak, hogeita hamar urteotan Euskadiko eskualde mailako garapenean teknologia-parkeek bete duten rolaren inguruko azalpenak eskainiko ditu. Erakusketa horretan, parkeen historiako une ugarietan dibertsifikazioak izan duen garrantzia azpimarratuko du eta 4.0 industriak eta manufaktura aurreratuak gaur egun Basque Industry 4.0 estrategiaren bidez betetzen duten rola nabarmenduko du. Bestalde, 4.0 Industria bultzatzeko azpiegitura eta programa espezifikoak garatzeak duen garrantziari balioa emango zaio. Horien adibide batzuk dira, adibidez, BICak eta ekintzailetzaren inguruko BIND 4.0 programa, edo lehentasuna duten sektoreetan fabrikazio aurreratuari bultzada emateko abian jarritako FAZk eta azpiegitura bereziak.

Bizkaiko Zientzia Parkearekin batera, kongresuan Innobasqueko eta Italiako, Frantziako eta Koreako zein Kolonbiako eskualde ugaritako (kongresuaren egoitza izango da herrialde hori) teknologia parkeetako eta erakundeetako ordezkariek ere hartuko dute parte. Horiek guztiek, hiru egunez, parte hartuko duten herrialde ugarietan arlo horien inguruan abian dauden ekimen ugariak ezagutzeko aukera izango dute.