Lantekek bezero berrien kopurua handitu zuen Iberiar Penintsulan, 2.500era iritsiz
Metalaren eta txaparen industriako mundu osoko 24.800 enpresek dagoeneko konfiantza dute Lantek soluzioetan ebaketak eta puntzonaketak egiteko, bai eta haien prozesuak Industria 4.0rantz eraldatzeko ere
Lantek, CAD/CAM/MES/ERP software-soluzioen garapenean eta merkaturatzean zentratutako multinazionala eta metalaren sektoreko enpresen eraldaketa digitalean aitzindaria, Iberiar Penintsulan duen lidergoa sendotzen ari da, 2020ko lehen erdian bezero berriak handitu ondoren, 2.500ko kopurura ailegatuz .
Bestalde, konpainiak hazkundea izan du nazioartean ere, urteko lehen sei hilabeteetan 1.100 bezero berri batu ostean.
Horrela, bezero kopuruaren hazkunde horrek 24.800era igo du guztizko kopurua, mugarri berri bat Lantekerentzat, alegia, batez ere kontuan hartuta COVID-19ren pandemiak eta horri aurre egiteko herrialde askok hartutako neurri zorrotzek markatutako garai zail batean gertatu dela. Egoera honek ekarri duena metalaren eraldaketaren industriako ekoizpen-jarduera guztiz gelditzea edo, kasurik onenean, moteltzea, da.
Honen aurrean, Lantekek konpainiaren ibilbidearen balantze positiboa egiten du oro har eta, bereziki, iberiar merkatuari dagokionez, pandemiak sektore gehienentzat oso murriztaileak diren neurriak martxan jartzera behartu baitu.
“Oso pozik gaude gure bertsio berria, Lantek v2020, merkatuan izaten ari den erantzunarekin, eta bezeroek guregan jartzen ari diren konfiantzarekin haien negozioei jarraipena emateko eta eraldaketa digitalean aurrera egiteko”, azaldu du Joseba Montoyak, Lanteken Espainia eta Portugalerako zuzendari komertzialak. “Ez dugu ahaztu behar emaitza horiek Lantek familia handiaren ahaleginaren emaitza direla, langileena zein kideena, berriz ere erabateko profesionaltasuna eta lankidetza erakutsi baitute, pandemiak ezarritako ezohiko egoeretara egokituz”.
Lehen seihilekoan bezero-hazkunde nabarmenen izan dituzten eskualdeen araberako banaketari dagokionez, Asia nabarmentzen da, Txina eta Korea buru dituela; ondoren, Europa, non Ekialdeko Europako herrialdeek hartu duten protagonismo berezia. Mendebaldeko Europak, batez ere azken bi hilabeteetan, hazkunde sendoa izan du, eta nolabaiteko trakzioa berreskuratu du.
Amerikan, Estatu Batuetako jarduera nabarmendu behar da, bertan Lantekek bezero berri ugari batzen baititu, soluzio eta proiektu handiekin.
Lantek errendimendu osoan
Koronabirusak izandako inpaktuaren ondoren, orokorrean ziurgabetasuna nagusitu da merkatuan, eta metalaren sektorea ez da merkatutik kanpo geratzen. Egoera horren aurrean, eta “normaltasun berriak” ezartzen dituen baldintzekin, Lantekek erantzunak ematen dizkie bezeroei, ondoen dakien bezala eginez: jarduera geldi ez dadin eta produktibitatea handitu dadin egokituz.
Ildo horretan, eta “never stop working” lemapean Lantek v2020 merkaturatzearekin bat, konpainiak bezeroekin duen konpromisoa nabarmendu nahi du; izan ere, bezeroei beren jardueran laguntzeko aukera eskaintzen die, udan edo ustekabeko arrazoiengatik ere geldi ez dadin.
Horrela, eta urrutiko lanaren gorakada kontuan hartuta, Lantekek bat egin nahi du joerarekin, eta aukera ematen die langileei eta bezeroei dauden lekutik konektatzen jarraitzeko. Horretarako, 2020 bertsio berria prest dago kontingentziarako, eta prest dago birtualizazio-agertoki batzuetan jarduteko, bezero baten bulego tekniko eta komertzialeko langileek Lantek produktuak urrutitik erabiltzen jarrai dezaten, Lantek 360º hodei-plataforman sartutako berrikuntzei esker.
Era berean, konpainiak bere zerbitzuak eskainiko ditu eta errendimendu osoan lan egingo du bezeroei edozein unetan eta edozein lekutatik arreta emateko. “Aurrerapen teknologikoei esker fabrikazio aurreratuagoa eta adimentsuagoa ahalbidetzeko filosofiaren parte ere bada hori. Bezeroek zerbitzu mota hau eskatzen dute eta Lantekek nahi hori betetzen du”, azpimarratu du Joseba Montoyak, Espainia eta Portugaleko zuzendari komertzialak.
